பெரியாரை அறிவோம்

மனிதன் பிறந்ததில் இருந்து மரணம் அடையும் வரையில் கடைப் பிடிக்கும் அர்த்தமில்லாத சடங்கு களைச் சாடியவர் பெரியார் அதே நேரத்தில், பெரியாரைப் பிடிக்காத வர்கள் ஏராளமானோர் இருந்தனர். இருக்கிறார்கள் என்பதை எவராலும் மறுக்க இயலாது. அவர்மீது வைக்கும் குற்றச்சாட்டுகளில் முக்கியமானது.


பெரியார் இந்துமதப் பழக்க வழக்கங்களை மட்டும் விமர்சிக் கின்றார். மற்ற மதங்களைப் பற்றி எதுவும் பேசுவதில்லை என்பதாகும். இந்துமதத்தில் உள்ள எல்லா மூடநம்பிக்கைகளையும் எதிர்த்து முழங்கிய பெரியார், இஸ்லாமிய சமுதாயப் பெண்கள் கடைப்பிடிக்கும் கோஷா முறையைக் கண்டித்துள் ளார். அதனைக் கொடுமையான பழக்கம் என்று வர்ணித்திருக்கிறார்.

1947 நவம்பரில் விடுதலை இதழில் கோஷாப் பழக்கம் என்ற தலைப்பில் தலையங்கம் எழுதியவர் தந்தை பெரியார். அதில், அடுத்த முக்கியமான பிரச்சினை முஸ்லீம் பெண்களிடையே திணிக்கப் பட்டிருக்கும் கோஷா முறை. இதனால் எத்தனை பேகம் அமிரு தீன்கள், பேகம் ஷா நவாஸ்கர், அருணா அஸப் அலிகள் குடத்தி லிட்ட விளக்குகளைப் போலக் கிடக்கிறார்கள் என்பதை ஒரு நிமிடமாவது நினைத்துப் பார்த்தால், முஸ்லீம் அறிஞர்கள் இந்தத் தீய முறையை ஒழிப்பதற்குத் தாமதிக்க மாட்டார்கள்.

இன்று முஸ்லீம் பெண்கள் ஓரளவு கல்வி கற்கத் தொடங்கி இருக்கின்றனர். ஒருசிலர் உயர்தரக் கல்விகளைப் பயின்று வருகின்றனர். முஸ்லீம் பெண்களி டையே ஆயிரக்கணக்கான பெண் டாக்டர்கள், ஆசிரியைகள், எழுத்தாளர்கள், பேச்சாளர்கள், வக்கீல்கள், அரசியல்வாதிகள் தோன்றிடல் வேண்டும். அப்படியானால் பெண்கள் முகமூடியிட்டு அடக்கி வைத்தி ருப்பது நிறுத்தப்பட வேண்டும்

இப்படி எழுதியதற்காக இஸ்லாமிய சமூகத்தில் யாரும் பெரியாரை கோபித்துக் கொள்ளவில்லை. அதும ட்டுமல்ல, இந்த தலையங்கத்தை இஸ்லாமியப் பெண் மணிகள் படித்திருந்தால், வெளிப்படையாக இல்லா விட்டாலும் மனதிற்குள் மகிழ்ந்து, வரவேற்றிருப்பர் என்றே சொல்லலாம்.

இந்த முகமூடிப் பழக்கம் சில இஸ்லாமிய தேசங்களில் அன்றே அகற்றப்ட்டிருந்ததை பெரியார் சுட்டிக்காட்டத் தவறவில்லை. துருக்கி புரட்சி வீரரான கமால் பாட்சாவும், ஆப்கானிஸ்தான் புரட்சி வீரரான அமானுல்லாவும் முஸ்லீம் பெண்களுக்கு விடுதலை கொடுத்த மாவீரர்கள். கமால் பாட்சா கோஷாவை ஒழித்தது மட்டுமல்ல. பெண்கள் கையில் துப்பாக்கியைத் தந்தவர். பெண் ராணுவத்தை நிறுவிய ஒப்பற்ற சீர்திருத்த வீரர்

இப்படி எழுதிய பெரியார், மதத்தின் அடிப்படையில் கோஷாப் போடப்படுகிறது என்றால், துருக்கி மட்டும் அதை ஒழித்தது எப்படி? துருக்கி இஸ்லாம் மதம் உள்ள நாடுதானே என்றும் கேட்டார். எனவே இதற்கு மதம் மூல காரணமல்ல.... மதத்தின் பெயரால் ஆணாதிக்க சக்திகள் ஏற்படுத்திய அர்த்தமற்ற காரியம் என்பதை இஸ்லாமிய சகோதரர்கள் அன்று உணரவே செய்தனர். நடைமுறையில் கோஷா முறைப் பழக்கத்தால் ஏற்படு கிற விளைவுகளையும் எடுத்துச் சொல்லி இருக்கின்றார் பெரியார்.

கோஷா முறையினால் சூரிய வெளிச்சம், நல்ல காற்று ஆகியன இல்லாததால் நோய்கள் எளிதில் பரவுவதாக எல்லா டாக்டர்களும் கூறிவிட்டனர். இயற்கையாகக் கிடைக்க வேண்டிய வெளிச்சத்தையும் காற்றையும் மனிதகுலத்தின் சிறந்த பகுதியாகிய தாய்க்குலத்திற்கு மட்டும் கிடைக்காமல் தடுப்பது எவ்வளவு பெரிய அக்கிரமம் என்பதை ஆண்கள் ஆலோசனை செய்து பார்க்க வேண்டுகிறோம்.

இந்தஅக்கினி நட்சத்திர வெயில் காலத்தை நினைத்துப் பாருங்கள். இஸ்லாமியப் பெண்கள் கறுப்புத் துணியை உடல் முழுக்கப் போட்டு வெளியே வருகிறபோது ஏற்படும் சிரமங்களை எண்ணிப் பார்க்க வேண்டும். பேருந்துகளில் பயணிக்கும்போது, ஆண்களால் நடத்தப்படும் சீண்டல்களை தவிர்க்கலாம் என்று காரணம் கண்டுபிடித்தோரும் உண்டு. சேட்டை செய்யும் ஆண்களை அடையாளம் கண்டு தண்டனை தரவேண்டும். அதைச் செய்யாமல் பெண்களை இந்த உடை உடுத்தச்சொல்வது அவர்களுக்குத் தருகிற அநியாயத் தண்டனை ஆகும்.

கோஷா முறை குறித்து பெரியார் மேலும் எழுதினார்.

கோஷா முறையை ஆதரிக்கும் கற்றறிந்த முஸ்லீம் ஆண்கள் எவரும் இருக்க மாட்டார்கள். அப்படி யாரேனும் இரண்டொருவர் இருந்தால், முஸ்லீம் வாலிபர்கள் கூற வேண்டியது, தயவு செய்து நீங்கள் ஓராண்டுக்காவது முகமூடி போட்டுப் பாருங்கள்.

இவ்வாறு இஸ்லாமியப் பெண்களை பர்தாப் போடச் சொல்லி வலியுறுத்துவது, அநியாயம் என்பதில் பெரியார் உறுதியாக நின்றார் என்பதில் கிஞ்சிற்றும் சந்தேகம் இல்லை.

-       (ஜனசக்தி 12.5.2011 பக். 8

பெரியார் சொன்னதற்கும், இன்றைய நடைமுறை உண்மைகளுக்கும் உள்ள இடைவெளி தான் பெரியாரின் பகுத்தறிவு.  

எம் ஜி ஆர் - ரை ஏன் சுட்டேன்? எம் ஆர் ராதா

எம்.ஜி.ஆர். சுடப்பட்டார்!- எம்.ஆர்.ராதா கைது – மாலைமலர் செய்தி “பெற்றால்தான் பிள்ளையா” படத்தொடர்பான தகராறில் எம்.ஜி.ஆர். சுடப்பட்டார். அவரை சுட்டு விட்டு, தன்னைத்தானே சுட்டுக் கொண்ட எம்.ஆர்.ராதா கைது செய்யப்பட்டார்.

1966_ம் ஆண்டில் அன்பே வா, நான் ஆணையிட்டால், முகராசி, நாடோடி, சந்திரோதயம், தாலி பாக்கியம், தனிப்பிறவி, பறக்கும் பாவை, பெற்றால்தான் பிள்ளையா ஆகிய 9 படங்களில் எம்.ஜி.ஆர். நடித்தார். “அன்பே வா” ஏவி.எம். தயாரித்து, மகத்தான வெற்றி கண்ட படம். இதில் அவருக்கு ஜோடி சரோஜாதேவி. முகராசி, தனிப்பிறவி ஆகிய இரண்டு படங்களும் தேவர் பிலிம்ஸ் தயாரிப்பு. இரண்டு படங்களிலும் ஜெயலலிதாதான் கதாநாயகி.

ஆகஸ்ட் 18_ந்தேதியன்று “முகராசி”யும், செப்டம்பர் 16_ந்தேதி “தனிப்பிறவி”யும் வெளியாயின. அதாவது, ஒரு மாத இடைவெளியில், இரண்டு எம்.ஜி.ஆர். படங்களை சின்னப்ப தேவர் வெளியிட்டு, சாதனை படைத்தார். “முகராசி”க்கு ஆர்.கே.சண்முகம், “தனிப் பிறவி”க்கு ஆரூர்தாசும் வசனம் எழுதினர். முகராசியில் எம்.ஜி.ஆருடன் ஜெமினிகணேசன் இணைந்து நடித்தார். “நாடோடி”, பி.ஆர்.பந்துலு தயாரித்த படம். இதில் எம்.ஜி. ஆருக்கு ஜோடி சரோஜாதேவி. எங்க வீட்டுப்பிள்ளை படத்தில் எம்.ஜி.ஆர். பாடிய “நான் ஆணையிட்டால்…” பாடலையே தலைப்பாக வைத்து சத்யா மூவிஸ் சார்பில் ஆர்.எம்.வீரப்பன் படம் எடுத்தார். இதில் எம்.ஜி.ஆருக்கு ஜோடி சரோஜாதேவி. வசனத்தை வித்துவான் வே.லட்சுமணன் எழுதினார். எம்.எஸ்.விஸ்வநாதன் இசை அமைத்தார். படத்தை சாணக்யா டைரக்ட் செய்தார். எம்.ஜி.ஆர்.

மாறுபட்ட வேடத்தில் நடித்த படம் “பறக்கும் பாவை”. இதில் சர்க்கஸ் காட்சிகளில் எம்.ஜி.ஆர். நடித்தார். ஆர்.ஆர்.பிக்சர்ஸ் தயாரித்த இந்தப் படத்தில் எம்.ஜி. ஆரின் ஜோடி சரோஜாதேவி. வசனத்தை சக்தி கிருஷ்ணசாமி எழுத, ராமண்ணா டைரக்ட் செய்தார். ஸ்ரீமுத்துக்குமரன் பிக்சர்ஸ் சார்பில் வாசு தயாரித்த “பெற்றால்தான் பிள்ளையா” 6_12_1966_ல் ரிலீஸ் ஆயிற்று. எம்.ஜி.ஆருடன் சரோஜாதேவி இணைந்து நடித்த படம். கதை_ வசனத்தை ஆரூர்தாஸ் எழுத, இசை அமைத்தது எம். எஸ்.விஸ்வநாதன். டைரக்ஷன்: கிருஷ்ணன் பஞ்சு. “பெற்றால்தான் பிள்ளையா” படத்தில், எம்.ஜி.ஆர். ஓர் அனாதை; குடிசையில் வசிப்பவர்.

அசோகன் வில்லன். அவர் சவுகார் ஜானகியை காதலிப்பது போல் நடித்து ஏமாற்றி, குழந்தை பிறந்ததும் கைவிட்டு விடுவார். கேட்பாரற்று கிடந்த குழந்தையை எம்.ஜி.ஆர். எடுத்து வளர்ப்பார். எம்.ஆர்.ராதாவும் சிவாஜியும் எம்.ஜி.ஆர். வீட்டுக்கு எதிர் வீட்டில், எம்.ஆர்.ராதா வசிப்பார். அவர் ஒரு வித்தைக்காரர். அவருடைய தங்கை சரோஜாதேவி. எம்.ஜி.ஆருக்கும் சரோஜாதேவிக்கும் காதல் ஏற்படுகிறது. கே.ஏ.தங்கவேலு, பொம்மை வியாபாரி. தன் குழந்தையைக் கண்டுபிடித்துக் கொடுக்கும்படி, இவரிடம் சவுகார் ஜானகி கேட்டுக்கொள்வார். தங்கவேலுவும், போலீஸ்காரர் டி.எஸ்.பாலையாவும் சிரமப்பட்டுத் தேடி குழந்தையைக் கண்டு பிடித்து விடுவார்கள்.

ஆனால், குழந்தை மீது மிகுந்த பாசம் கொண்ட எம்.ஜி.ஆர்., அதைக் கொடுக்க மறுத்துவிடுவார். இதற்கிடையே அசோகன் ஒரு விபத்தில் கால் இழந்து, மனம் திருந்தி, சவுகார் ஜானகியிடம் போய்ச்சேருவார். குழந்தை யாருக்குச் சொந்தம் என்ற விஷயம், கோர்ட்டுக்கு போகும். “குழந்தை, பெற்றோருக்குத்தான் சொந்தம்” என்று கோர்ட்டு தீர்ப்பு கூறும். குழந்தையை, பெற்றோரிடம் எம்.ஜி. ஆர். கொடுக்கும்போது துயரம் மிகுதியால் கண்ணீர் வடிப்பார். குழந்தையைப் பெற்றுக்கொண்டு சவுகார் ஜானகி புறப்படும்போது, குழந்தை “அப்பா!” என்றபடி, எம்.ஜி.ஆரை நோக்கி தாவும். _ இதுதான் “பெற்றால்தான் பிள்ளையா” படத்தின் கதை. இந்தப்படம் வெற்றிகரமாக ஓடிக் கொண்டிருந்தது. 12_1_1967 அன்று தேவர் பிலிம்ஸ் தயாரிப்பான “தாய்க்கு தலைமகன்” ரிலீஸ் ஆனது. இதில் எம்.ஜி.ஆரும், ஜெயலலிதாவும் இணைந்து நடித்தனர். வசனம் ஆரூர்தாஸ். இசை: கே.வி.மகா தேவன். டைரக்ஷன்: எம்.ஏ. திருமுகம். அன்று மாலை, “எம்.ஜி. ஆரை எம்.ஆர்.ராதா சுட்டு விட்டார்” என்ற செய்தி, எரிமலை வெடித்தது போல் வெளியாகியது. தமிழ்நாடு முழுவதும் காட்டுத்தீ போல் இச்செய்தி பரவியது. மக்கள் உறைந்து போனார்கள்; சினிமா தியேட்டர்களும், கடைகளும் மூடப்பட்டன. பஸ்களும், ரெயில்களும் ஓடவில்லை. தமிழ்நாடே ஸ்தம்பித்தது.

எம் ஜி ஆரை எம் ஆர் ராதா சுட்டதன் பின்னணி என்ன?
அது அவர்கள் இருவருக்கு மட்டுமே தெரிந்த ரகசியம்!
ஆனால், சிறையில் இருந்து வெளியே வந்த எம்.ஆர்.ராதா மலேசியாவில் பேசிய பேச்சைக் கேளுங்கள்...


'எம்.ஜி.ராமச்சந்திரனும் நானும் நண்பர்கள். அம்பது வருஷமா சிநேகிதம். ரெண்டு பேரும் தமாஷா சுட்டுக்கிட்டோம். ஏன் சுட்டுக்கக் கூடாதா? பொண்டாட்டியும் புருஷனும் அடிச்சுக்கலையா? அப்பனும் மவனும் வெட்டிக்கலையா? அதே மாதிரி ரெண்டு நண்பர்கள் அடிச்சிக்கிட்டோம். அவ்வளவுதான். கையில் கம்பிருந்தா கம்பை எடுத்து அடிச்சிக்குவோம். கத்தி இருந்தா, கத்தி எடுத்து அடிச்சிக்குவோம். ரிவால்வர் இருந்துச்சு... அந்த நேரத்துல. எடுத்து அடிச்சிக்கிட்டோம். அடிச்சதும் 'டப்பு... டப்பு’ன்னது. நிறுத்திப்புட்டோம்.

அதுல என்ன ஒருத்தரை ஒருத்தர் கொன்னு போடணும்னா சுட்டுக்கிட்டோம்? ரிவால்வரில் எட்டு தோட்டா இருக்கு. அப்படி விரோதமா இருந்தா, எட்டு தோட்டாவையும் பயன்படுத்தி இருப்போம். ஒரு தோட்டாதான் ஆச்சு. வெடிக்குதா வெடிக்கலையானு பார்த்தோம். அது வெடிச்சிருச்சு. இதெல்லாம் புரியாம ரொம்பப் பேர் தவறாப் பேசுறாங்க!’

சி.பி - ஒரு பட அதிபரை கால்ஷீட் விஷயத்தில் எம்ஜிஆர் இழுத்தடித்ததாகவும், அது பற்றிய பஞ்சாயத்தில் எம் ஆர் ராதாவை வாக்குவாதத்தில் சுட முயன்றபோது அவ்ர் முந்திக்கொண்டதாகவும் ஒரு உறுதி செய்யப்படாத தகவல் உலா வருகிறது..